Kontrèman ak jan gouvènman te pwomèt li nan yon kominike ki date 8 novanm 2022, gaz la toujou pa disponib nan ponp yo nan Jeremi.
Daprè nòt sa « Jounen 9, 10 ak 11 novanm ap konsakre espesyalman pou replen sitèn ponp gaz yo nan tout vil peyi a », pi lwen Minis komès la, Ricardin Saint-Jean, ki siyen nòt sa, te pwomèt gouvènman ayisyen an ap pran tout dispozisyon pou pwoteje manb sektè prive ak konsomatè yo, pou fasilite distribisyon gaz la.
Plizyè responsab ponp JCOM te kontakte pat vle pale avèk nou. » David Clérié, te pwomèt li ap fè tout mwayen pou gaz la disponib nan ponp DNC », pawol youn nan anplwaye ponp nan ki pat vle non li site.
Padan tan sa gaz dizèl ak gazolin kontinye ap vann nan lari a. Pou samdi 12 novanm nan wap bezwen 2500 g ak 2250 g pou achte galon gazolin ak dizèl la.
