Berlin Charles, se non jèn gason 35 lane sa, ki arive pèdi lavi li lan yon fiziyad ki fèt maten jedi 25 novanm lan lan mache piblik komin Chanbellan.
Viktim lan kise moun Lafit, yon seksyon kominal ki sou komin Abriko, te pral ran dènye souf li apre li te fin resevwa yon bal lan men bandi ak zam lan komin Chanbelan.
Daprè sa yon sous lan Lapolis rapòte nou, bandi sa yo te anvayi mache a kote yo tap tire lan tout kwen san kontwol.
Pou konnye a oken lot enfomasyon poko vin jwen nou pou nou konnen si gen lòt moun ki viktim ak blese.
Nap raple se pa premye zak san fwa ni lwa nèg ak zam sa yo lan komin Chanbelan.
Pou ane sa bandi ak zam , zak malonèt sa yo pa sispan ogmante lan Chanbelan. Lan mwa jiyè kite sot pase la, menm gwoup bandi sa yo te tire yon Ofisye Eta Sivil, Renald Léon, 72 lane, epi boule li devan je tout moun.