Jeremi poko mi,
Men li gentan pouri,
Nan bay lavi a dwet poul souri,
Sosyete nou an ap depafini,
Lapolis ap ban Nou Dan di,
Dwa moun ap toupizi,
Lajistis ap fè nou simagri,
Nan jwèt lago deli,
Kap fèt anba pye ti Ameli,
Kap fè bèl romans ak Sen lwi
Sou plas Dima pa gen souse piwili,
Sanw pa kenbe bwa a byen di,
Sinon, otorite sangwen ak bandi,
Ap kontinye fè nou jwe lakomedi,
Machin enpinite ap galope nan tout lari
Sanble son bèl plezi,
Ki pa fè plezi a lanati,
Kiyès kap fon bri ?
Eske nou tout ak kouri ?
Eske nap kontinye aplodi ?
Oubyen se Mwen k pa konprann sa kap di,
Gade Remi nan je sanble pa pou moun Jeremi.
By Ralph Simon
Journaliste, PDG Radio Extension et JCOM Haïti. Gestionnaire, Communicateur Social, Étudiant en Sciences Juridiques.